ຂ່າວ

ບໍລິສັດຈະເລີນເຊກອງພະລັງງານ ມອບເງິນ 200 ລ້ານກີບ ຊຸກຍູ້ກອງປະຊຸມໃຫຍ່ຂອງແຂວງຄຳມ່ວນ

ບໍລິສັດຈະເລີນເຊກອງພະລັງງານ ມອບເງິນ 200 ລ້ານກີບ ຊຸກຍູ້ກອງປະຊຸມໃຫຍ່ຂອງແຂວງຄຳມ່ວນ

ວັນທີ 21 ພະຈິກ 2020 ທີ່ເຮືອນຮັບເເຂກ ເລກ 1 ແຂວງຄຳມ່ວນ ບໍລິສັດ ຈະເລີນເຊກອງພະລັງງານ ໄດ້ມອບເງິນຈຳນວນ 200 ລ້ານກີບ ເພື່ອຊຸກຍູ້ກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ເຊິ່ງຕາງຫນ້າບໍລິສັດມອບໂດຍທ່ານ ວັນນະສິດ ພິດສະໄໝ ແລະ ກ່າວຮັບໂດຍທ່ານ ວັນໄຊ ພອງສະຫວັນ ຮັກສາການເຈົ້າແຂວງຄຳມ່ວນ ໂດຍມີບັນດາການນຳຂອງແຂວງ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ສຳລັບການຫ້າງຫາກະກຽມໃຫ້ແກ່ການດຳເນີນກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງຄຳມ່ວນ ມາຮອດປະຈຸບັນແມ່ນໄດ້ສຳເລັດການກະກຽມທາງດ້ານເນື້ອໃນ ເປັນຕົ້ນແມ່ນຮ່າງລາຍງານການເມືອງ, ຮ່າງແຜນພັດທະນາເສດຖະກິດ-ສັງຄົມ, ບົດສຳຫລວດການນຳພາລວມຂອງອົງຄະນະພັກແຂວງ ລວມເຖິງບັນດາເອກະສານສຳຄັນຕ່າງໆ.

ສ່ວນໂຄງປະກອບດ້ານບຸກຄະລາກອນກໍ່ໄດ້ມີການກະກຽມຕາມບາດກ້າວ, ຂັ້ນຕອນ ຕາມມະຕິ, ຄຳສັ່ງຂອງກົມການເມືອງ ແລະ ຄະນະເລຂາທິການສູນກາງພັກ ພ້ອມນັ້ນກໍ່ໄດ້ອີງໃສ່ສະພາບຄວາມເປັນຈິງຂອງຖັນແຖວພະນັກງານການນຳທີ່ມີປະຈຸບັນຢູ່ພາຍໃນແຂວງ ເຊິ່ງຄາດວ່າກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງຄຳມ່ວນ ແມ່ນຈະໄດ້ໄຂຂຶ້ນໃນທ້າຍເດືອນພະຈິກ 2020 ນີ້.

ທີ່ມາ : Medialaos