ຂ່າວ

ມອບເງິນອຸດໜູນບໍານານໃຫ້ອະດີດລັດຖະມົນຕີກະຊວງ ປກສ !!!

ມອບເງິນອຸດໜູນບໍານານໃຫ້ອະດີດລັດຖະມົນຕີກະຊວງ ປກສ !!!

ໃນວັນທີ 16 ພະຈິກ 2020 ທີ່ຜ່ານມາ ກະຊວງ ປກສ ໄດ້ມອບເງິນນະໂຍບາຍອຸດໜູນບໍານານໃຫ້ ພົຕ ສົມແກ້ວ ສີລາວົງ ອະດີດລັດຖະມົນຕີກະ ຊວງ ປກສ, ຕາງໜ້າມອບໂດຍ ພົຕ ວັນທອງ ກອງມະນີ ຫົວໜ້າກົມໃຫຍ່ການເມືອງ ປກສ,ມີຕາງໜ້າຫ້ອງວ່າການ,ພ້ອມດ້ວຍກົມກອງກ່ຽວຂ້ອງ ແລະພະນັກງານເຂົ້າຮ່ວມ.

ພົຕ ວັນທອງ ກອງມະນີ ກ່າວວ່າ: ການມອບເງິນອຸດໜູນບໍານານຄັ້ງນີ້,ໂດຍອີງຕາມນະໂຍບາຍດ້ານຕ່າງໆທີ່ມີຕໍ່ກໍາລັງປ້ອງກັນຄວາມສະ ຫງົບ,ພ້ອມທັງໄດ້ກ່າວອວຍພອນໃຫ້ທ່ານອະດີດລັດຖະມົນຕີ ປກສ ຈົ່ງມີສຸຂະພາບແຂງແຮງ,ມີຄວາມຜາສຸກໃນຊີວິດສ່ວນຕົວ,ຄອບຄົວແລະສືບຕໍ່ເບິ່ງແຍງໃຫ້ການຊ່ວຍເຫຼືອໃນການກໍ່ສ້າງກໍາລັງປ້ອງກັນຄວາມສະຫງົບໃຫ້ມີຄວາມກ້າວໜ້າກວ່າເກົ່າ.

ໃນໂອກາດນີ້,ພົຕ ສົມແກ້ວ ສີລາວົງ ໄດ້ສະແດງຄວາມຂອບໃຈມາຍັງຫົວໜ້າກົມໃຫຍ່ການເມືອງ ປກສ ພ້ອມຄະນະ, ພ້ອມທັງກ່າວຢື້ຢາມຖາມຂ່າວໄປຍັງຄະນະບໍລິຫານພັກກະຊວງປ້ອງກັນຄວາມສະຫງົບຊຸດໃໝ່ແລະອວຍພອນໃຫ້ທຸກສະຫາຍມີສຸຂະພາບເຂັ້ມແຂງ,ເຮັດສໍາເລັດ ໜ້າທີ່ວຽກງານ,ພ້ອມກັນສືບຕໍ່ຊີ້ນໍາ-ນໍາພາກໍາລັງແກ້ໄຂປະກົດການຫຍໍ້ທໍ້ໃນສັງຄົມໃຫ້ຫຼຸດລົງ ເພື່ອໃຫ້ສັງຄົມມີຄວາມສະຫງົບ, ປະຊາຊົນບັນດາເຜົ່າຢູ່ທ່າງທໍາມາຫາກິນ, ເສີມຂະຫຍາຍມູນ ເຊື້ອຮັກຊາດ ແລະ ສືບຕໍ່ປັບປຸງກໍາລັງ ປກສ ໃຫ້ດີຂຶ້ນເລື້ອຍໆ.

ຂໍ້ມູນ : ຟັງດູດີ