ຂ່າວ

ບຸນນະມັດສະການພະທາດຫຼວງ ປີ 2020 ຈະບໍ່ມີຕະຫຼາດນັດ ແລະ ການຄົບງັນຕ່າງໆ !!


ບຸນນະມັດສະການພະທາດຫຼວງ ປີ 2020 ຈະບໍ່ມີຕະຫຼາດນັດ ແລະ ການຄົບງັນຕ່າງໆ !!

ການຈັດງານບຸນນະມັດສະການພະທາດຫຼວງ ປີ 2020 ຈະເນັ້ນໃສ່ປະເພນີ ທາງສາດສະໜາ ຫຼື ທາງດ້ານວັດທະນະທຳເທົ່ານັ້ນ,

ສ່ວນງານຕະຫຼາດນັດ ແລະ ງານຄົບງັນຕ່າງໆເຊັ່ນ: ການແຂ່ງຂັນຕີມວຍ,ລຳວົງ,ການສະແດງສິລະປະດົນຕີ,ການລະຫຼີ້ນຕ່າງໆ ແລະ ອື່ນໆທີ່ກ່ຽວກັບສິ່ງບັນເທິງແມ່ນບໍ່ມີ ທັງນີ້ກໍ່ເພື່ອເປັນການປ້ອງກັນການແຜ່ລະບາດ ຂອງພະຍາດໂຄວິດ-19.

ຫ້ອງວ່າການ ສູນການພັກ ໄດ້ອອກແຈ້ງການ ມື້ວັນທີ 15 ຕຸລາທີ່ຜ່ານມາ ເຖິງຫ້ອງການສຳນັກງານນາຍົກລັດຖະມົນຕີ ແລະ ຄະນະປະຈຳພັກນະຄອນຫຼວງວຽງຈັນ ກ່ຽວກັບການຈັດງານບຸນດັ່ງກ່າວ

ເພື່ອເຜີຍແຜ່ປະຊາຊົນ ແລະ ມວນຊົນທີ່ຈະເຂົ້າຮ່ວມໄດ້ຮັບຮູ້, ນອກນັ້ນກໍ່ເພື່ອໃຫ້ປະຊາຊົນຜູ້ທີ່ເຂົ້າຮ່ວມໃນງານບຸນດັ່ງກ່າວຕ້ອງປະຕິບັດມາດຕະການປ້ອງກັນພະຍາດໂຄວິດ-19  ທີ່ທາງຄະນະສະເພາະກິດວາງອອກ.

ທີ່ມາ : ວຽງຈັນທາຍ