ຂ່າວ

ແຈ້ງການ !! ປັບລາຄານ້ຳມັນຂື້ນ ເລີ່ມ 16 ຕຸລາ 2020 ນີ້ ໃນຂອບເຂດທົ່ວປະເທດ

ແຈ້ງການ !! ປັບລາຄານ້ຳມັນຂື້ນ ເລີ່ມ 16 ຕຸລາ 2020 ນີ້ ໃນຂອບເຂດທົ່ວປະເທດ.

ລາຄານໍ້າມັນຈະປັບຂຶ້ນ ໃນຂອບເຂດທົ່ວປະເທດ! ກະຊວງອຸດສາຫະກໍາ ແລະ ການຄ້າ ໄດ້ອອກແຈ້ງການເລກທີ 0933/ອຄ.ກຄພນ, ລົງວັນທີ 15 ຕຸລາ 2020.

ເຖິງ ສະມາຄົມນ້ໍາມັນເຊື້ອໄຟ ແລະ ອາຍແກ໊ສ, ບັນດາບໍລິສັດນ້ໍາມັນເຊື້ອໄຟ ແລະ ປໍ້າຂາຍຍ່ອຍນ້ໍາມັນເຊື້ອໄຟ.

ເລື່ອງ ແຈ້ງປັບຂຶ້ນລາຄາຂາຍຍ່ອຍນ້ໍາມັນເຊື້ອໄຟ ໃນຂອບເຂດທົ່ວປະເທດ.

ລາຄາໃຫມ່ນີ້ ໃຫ້ເລີ່ມປະຕິບັດພ້ອມກັນ ໃນຂອບເຂດທົ່ວປະເທດ ໃນວັນທີ 16 ຕຸລາ 2020 ນີ້, ເລີ່ມແຕ່ເວລາ 06:00 ໂມງເຊົ້າເປັນຕົ້ນໄປ.

ການປັບລາຄາຄັ້ງນີ້

– ແອັດຊັງພິເສດ ປັບຂຶ້ນ 80 ກີບ/ລິດ,

– ແອັດຊັງທໍາມະດາ ປັບຂຶ້ນ 60 ກີບ/ລິດ

– ກາຊວນ ປັບຂຶ້ນ 40 ກີບ/ລິດ. ການຄິດໄລ່ເສຍພັນທະ ແລະ ຄ່າທໍານຽມຕ່າງໆ ແມ່ນໃຫ້ພາກສ່ວນກ່ຽວຂ້ອງ ຄິດໄລ່ເກັບຕາມທີ່ໄດ້ກໍານົດໄວ້ ໃນໂຄງສ້າງລາຄານໍ້າມັນເຊື້ອໄຟສະບັບເລກທີ 0837 /ກຄພນ.ຄສລ, ລົງວັນທີ 15 ຕຸລາ 2020 ຈົນກວ່າຈະມີການປ່ຽນແປງ.

ໃຫ້ບັນດາບໍລິສັດນ້ໍາມັນເຊື້ອໄຟ ປະຕິບັດຕາມເນື້ອໃນຂ້າງເທິງນີ້ຢ່າງເຂັ້ມງວດ ແລະ ຄຸ້ມຄອງປໍ້າຂາຍຍ່ອຍຂອງຕົນ ໃຫ້ບໍລິການຢ່າງເປັນປົກກະຕິ.

.

ແຈ້ງການສະບັບນີ້ ປ່ຽນແທນແຈ້ງການ ສະບັບເລກທີ 0883/ອຄ.ກຄພນ, ລົງວັນທີ 01 ຕຸລາ 2020.