ຂ່າວ

ພຽງມື້ດຽວ ມີຜູ້ເດີນທາງເຂົ້າມາ ສປປ ລາວ ທັງໝົດ 2.050 ຄົນ

ພຽງມື້ດຽວ ມີຜູ້ເດີນທາງເຂົ້າມາ ສປປ ລາວ ທັງໝົດ 2.050 ຄົນ

ໃນວັນທີ 15 ຕຸລາ 2020 ກະຊວງສາທາລະນະສຸກ ຢືນຢັນ ສປປ ລາວ ບໍ່ມີຜູ້ຕິດເຊື້ອ ພະຍາດໂຄວິດ-19 ເພີ່ມ ເຖິງຢ່າງໃດກໍຕາມ ພໍ່-ແມ່ປະຊາຊົນ ຈຳນວນບໍ່ໜ່ວຍເຫັນວ່າປ່ອຍປະລະເລີຍ ກັບບາງມາດຕະການ ທີ່ຄະນະສະເພາະກິດວາງອອກ ເຊັ່ນ: ການປະຕິບັດຫລັການອະນາໄມ, ການທຳຄວາມສະອາດຂ້າເຊື້ອພະຍາດ ຢູ່ສະຖານທີ່ບໍລິການ, ເວລາອອກໄປທີ່ຊຸມຊົນ ຍັງບໍ່ໃສ່ຜ້າປິດປາກ-ດັງ, ບໍ່ປະຕິບັດຮັກສາໄລຍະຫ່າງ ແລະ ອື່ນໆ ຫາກປະຊາຊົນຍັງບໍ່ປ່ຽນພຶດຕິກຳການໃຊ້ຊີວິດ ລາວອາດເກີດການລະບາດຮອບໃໝ່.

ທ່ານ ດຣ. ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາ ລະນະສຸກ ໄດ້ລາຍງານໃຫ້ຮູ້ວ່າ: ປັດຈຸບັນທົ່ວປະເທດ ມີສູນຈຳກັດບໍລິເວນທັງໝົດ 35 ສູນ, ມີຜູ້ຖືກຈຳ ກັດບໍລິເວນທັງໝົດ 2.599 ຄົນ ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ ເຊິ່ງໃນວັນທີ 14 ຕຸລາ ໄດ້ເກັບຕົວຢ່າງມາກວດວິເຄາະທັງໝົດ 304 ຕົວຢ່າງ ໃນນັ້ນແຮງງານລາວ ທີ່ກັບມາແຕ່ໄທ 93 ຕົວຢ່າງ, ແຮງງານຈີນ 161 ຕົວຢ່າງ, ແຮງງານຫວຽດນາມ 25 ຕົວຢ່າງ, ບຸກຄົນທົ່ວໄປທີ່ບໍ່ມີອາການ 08 ຕົວຢ່າງ ແລະ ບຸກຄົນທົ່ວໄປທີ່ມີອາການ 17 ຕົວຢ່າງ, ຜົນກວດທັງໝົດແມ່ນບໍ່ພົບເຊື້ອ. ສັງລວມຜົນການວິເຄາະ ນັບແຕ່ເດືອນມັງກອນ ມາເຖິງ ວັນທີ 14 ຕຸລາ 2020 ໄດ້ເກັບຕົວຢ່າງມາກວດ ທັງໝົດ 59.194 ຕົວຢ່າງ, ໃນນັ້ນກວດພົບເຊື້ອໂຄວິດ-19 ພຽງແຕ່ 23 ຄົນ.

ສຳລັບການເຝົ້າລະວັງ ພະຍາດໂຄວິດ-19 ຢູ່ຈຸດຜ່ານແດນຕ່າງໆ ມາຮອດວັນທີ 14 ຕຸລາ ທົ່ວປະເທດ ມີຜູ້ເດີນທາງເຂົ້າມາ ສປປ ລາວ ທັງໝົດ 2.050 ຄົນ, ໃນນັ້ນຜ່ານດ່ານລາວ-ໄທ 1.079 ຄົນ, ດ່ານລາວ-ຈີນ 184 ຄົນ, ດ່ານລາວ-ຫວຽດນາມ 614 ຄົນ, ດ່ານລາວ-ກຳປູເຈຍ 01 ຄົນ, ຜ່ານສະ ໜາມບິນສາກົນວັດໄຕ 172 ຄົນ ທັງໝົດແມ່ນໄດ້ເກັບຕົວຢ່າງ ມາກວດຫາເຊື້ອພະຍາດໂຄວິດ-19 ຈາກນັ້ນນຳໄປສະຖານທີ່ຈຳກັດບໍລິເວນ.

ຂໍ້ມູນ: ປະເທດລາວ.